How To Qualify UPSC Exam In One Year

Jab bhi aspirants UPSC ke bare me sochte hai or iski preparation start karte hai, toh sabhi ke mind me ye hi plan rehta hai ki, is exam ko jaldi se jaldi crack kiya jaye. Waise toh bahut sare aspirants ko ise qualify karne me kai years lag jate hai, par koi bhi aspirants ye soch kar apni preparation start nahi karta. Sabhi aspirants ye hi plan karte hai ki kaise bhi karke is exam ko 1st attempt me or 1 year ki preparation me hi qualify kiya jaye.

Wahin dusri taraf aise bahut sare aspirants or teachers bhi hai jo ye kehte hai ki is exam ko 1 year ki preparation se qualify nahi kiya ja sakta. Unka ye manna bhi galat nahi hai, kyunki is exam ke liye aspirants ko kafi kuch padhna hota hai. Jahan ek taraf preliminary exam me GS or CSAT hota hai wahin mains me GS or Optional subject bhi hota hai or isiliye ye saare statements hame sunne ko milte hai.

Par agar preparation ki strategy sahi ho toh, is exam ko one year ki preparation se bhi qualify kiya ja sakta hai.

UPSC preparation me ek cheez jo bahut jyada matter karti hai wo hai guidance. Agar shuru se hi sahi guidance milta rahe toh success chances kafi increase kar jate hai or iske live examples hamare samne hi hai. Wo candidates jinke siblings already UPSC qualify kar chuke hai, ya jinke parents already civil services me hai wo kafi jaldi is exam ko ek achi rank ke sath qualify kar chuke hai.

Jab aspirants apni preparation start karte hai toh majority of aspirants ke samne guidance ko lekar challenge rehta hai. Unhe kai saari advices sunne ko milti hai or isiliye aspirants baar baar dilemma me aa jate hai, jisse unki preparation affect hoti hai. Har kisi aspirant ko kisi topper se regular advice ka privilege nahi mil pata or isiliye bahut saare aspirants khud apni mistakes se sikhte hai. Isse related baat hum already dekh chuke hai, jahan kai toppers ne galti ki or fir unse seekha, isilye aspirants ke liye ye sabse jaruri hota hai ki wo apni preparation strategy ko consistent rakhe or bahut saari advices se bache. Ye kaam easy nahi hota, kyunki preparation phase me aise kafi chances aate hai jab aspirants self doubt ke phase se gujarte hai, par positive attitude or khud par trust ke sath aspirants ise overcome kar sakte hai.

Iske alawa apirants ko jis baat par dhyan dena chahiye wo hai study material ki limit. UPSC journey me books har kisi aspirant ko attract karti hai, jisse unka study material increase karta chala jata hai or un par unwanted pressure aa jata hai. Isiliye har aspirants ko ye pata hona chahiye ke unhe kya padhna hai or kya nahi.

Aspirants ka first target hona chahiye, exam ko qualify karna, or isiliye unhe is craving se bachna chahiye or apne study material ko limited rakhna chahiye. Ek achi research ke sath, starting me hi aspirants ko ye decide kar lena chahiye ke unka study material kya rahega.

Ab baat ki jaye one year me qualify karne ki to ek definite strategy se aspirants ise bhi achieve kar sakte hai. Preliminary exam ke liye aspirants ko selected study material ko baar baar padhna chahiye or jyada se jyada previous years questions or mocks attempt karne chahiye. Aisa dekha gaya hai ki jin logo ne repetitive order me pre exam ko qualify kiya hai, unhone previous years questions or mocks par bahut jyada focus kiya hai. Ek topic ko kai baar padhne ke baad bhi aise chances reh jate hai ke aspirants kisi sub topic ko recall nahi kar paye. Mocks isi problem ko overcome karte hai. Mocks se hamara mind attentively kaam karta hai or questions se related information hame yaad reh jati hai.

Mains examination ki baat ki jaye to hum pehle hi dekh chuke hai un toppers ko jo pre to qualify kar paye par mains nahi. Iska ek reason ye bhi ho sakta hai ke aspirants ko lagta hai ki jo topics unhone pre exam ke liye padhe hai, mains me bhi unse usi se related queries ki jayengi. Isko lekar aspirants ko ab jyada kuch batane ki zarurat nahi padegi, kyunki aspirants pehle hi dekh chuke hai ke mains ka syllabus kitna vary karta hai. Bahut saare toppers ke experiences se ye kaha ja sakta hai ki mains exam ko qualify karne ki key hai syllabus & previous years questions. Isiliye mains ke liye aspirants ko apni approach bahut targeted rakhni chahiye. Optional ke liye bhi aspirants ko ye hi approach rakhni chahiye.

Aspirants ye bhi jaan le ki majority of toppers or teachers pre exam ko mains se jyada tough mante hai, jo sahi bhi hai. Aisa isliye kyunki mains exam ki journey me 2 specific GPS hote hai jo aspirants ko guide karte hai - Syllabus & PYQs. Wahin pre exam ke liye ye GPS abstract ho jate hai kyunki syllabus bahut jyada descriptive nahi hota or isiliye aspirants ko jyada se jyada explore karna hota hai or isiliye ye tough bhi ho jata hai.

In approaches, discipline or positive attitude ke sath aspirants UPSC ko one year ki preparation ke sath qualify kar sakte hai. 1