Article 3-Formation of new States and alteration of areas, boundaries or names of existing States

Parliament law banakar-

  A.Kisi state se uska koi part alag kar ya do or usse jyada states ko ek sath milakar ya sirf unke parts ko milakar ya kisi state ke kisi area ko kisi dusre state se milakar naya state bana sakegi.

  B.kisi state ka area increase kar sakegi.

  C.kisi state ka area decrease kar sakegi.

  D.kisi state ki boundaries ko change kar sakegi.

  E.kisi state ka name change kar sakegi.

Par is tarah ka koi bhi bill bina president ki sifarish ke parliament ke kisi bhi house me shuru nahi kiya jayega or agar aise bill ke proposals se kinhi states ke area, boundaries or name pe effect padta hai to president pehle use sabhi involved states ke legislature ko, unhe apne views express karne ke liye bhejenge, jisme consider karne ke liye ek time period mention hoga jisko president increase kar sakenge, or jab ye time period khatam ho jayega tabhi bill president ki sifarish par parliament me shuru ho sakega.

(Explanation 1 - Is article me points A se lekar E tak states me union territory bhi include hai par proviso(jo aage condition wala part hai) me union territory include nahi hai. # i.e. union territory ke liye bill refer karne ki zarurat nahi.

Explanation 2 - Clause A me parliament ki power me ye bhi include hai ki wo kisi state ya union territory ke kisi part ko, kisi dusre state ya union territory se milakar, koi naya state ya union territory bhi bana sakti hai.)